ಕತ್ತಲ ಕಳೆದಾಗ

ಕತ್ತಲಾಚೆಯ ಬೆಳಕ

ಕತ್ತಲಲ್ಲೆ ಹುಡುಕುತ್ತಿದ್ದೆ ನಾನು



ಗುರುಗಳೆಂದರು ಲೋ ಮಂಕೆ

ಕತ್ತಲಾಚೆಯ ಬೆಳಕ

ಕತ್ತಲಾಲ್ಲೆ ಹುಡುಕಿದರೆ ಸಿಕ್ಕಿತೆ ಬೆಳಕು

ಕತ್ತಲ ಬಿಟ್ಟು ನಡೆ ಮುಂದೆ

ಸಿಕ್ಕಿತೂ ಬೆಳಕು



ನಾನೆಂದೆ ಗುರುಗಳೇ

ಕತ್ತಲಾಚೆ ನಡೆದಂತೆ ಇನ್ನು ಘೋರ ಕತ್ತಲು

ಅದಕ್ಕೆ ಭಯದಿ ಅಲ್ಲೆ ನಿಂತೆ

ಇದ್ದಿತೇ ಇನ್ನು ಆಚೆ ಬೆಳಕು



ಗುರುಗಳೆಂದರು ಮಗುವೆ

ಘೋರ ಕತ್ತಲೆಂದು ಹೆದರದಿರು

ನಡೆ ಮುಂದೆ ಸಿಕ್ಕಿತೂ ಸಣ್ಣ ಬೆಳಕು

ಮುಂದೆ ದಾರಿ ತೋರುವುದು ಪೊರ್ಣ ಬೆಳಕಿನೆಡೆಗೆ



ಹೌದೆ ಗುರುಗಳೇ ನನ್ನದೊಂದು ಪ್ರಶ್ನೆ

ಕತ್ತಲಲ್ಲಿ ಇಲ್ಲದ್ದು ಬೆಳಕಲಿ ಇನ್ನೆನೀದ್ದಿತ್ತು



ಗುರುಗಳೆಂದರು ಲೋ ಮರುಳೆ

ಬೆಳಕಿದ್ದಾಗ ಗೊತ್ತಾದಿತ್ತು ಕತ್ತಲ್ಯಾವುದೆಂದು

ಮನಸು ಮತ್ತೆ ಬಯಸದು

ಕತ್ತಲ ಎಂದೂ.